HeimaHöfn er þróað fyrir samfélagið í Sveitarfélaginu Hornafirði. Verkefnið miðar að því að efla tengsl og fjölga tækifærum fyrir ungt fólk á svæðinu. Með þátttöku í HeimaHöfn kemur þú að mótun framtíðar nærsamfélagsins. Ungt fólk er kjarni verkefnisins og helsti markhópur þess en öllum er boðið að taka þátt – virk aðkoma ólíkra aðila er lykilatriði!
Einstaklingar
Einstaklingar eru lykilaðilar í daglegu lífi í Hornafirði og mótun samfélagsins. Hvort sem þú býrð hér núna, hefur búið hér eða munt búa hér í framtíðinni, þá ert þú hluti af heildinni og getur haft áhrif. HeimaHöfn er fyrir þau sem vilja vera upplýst um lífið í Hornafirði, líka þau sem búa ekki á svæðinu í augnablikinu. Verkefnastjórar hjálpa þátttakendum að viðhalda og/eða mynda tengsl við Hornafjörð og fylgjast með því sem er að gerast á svæðinu. Í gegnum viðburði, verkefni og samskipti mun HeimaHöfn kynna tækifæri til náms, atvinnu og samfélagsþátttöku.
- Við viljum kynnast unga fólki sveitarfélagsins og þeirra sýn
- Í samstarfi við grunn- og framhaldsskóla á svæðinu mun HeimaHöfn verða hluti af skólastarfi ungmenna, vettvangur þeirra til að kynnast fjölbreyttum tækifærum og sjálfum sér um leið.
- Við viljum halda tengslum við brottflutta Hornfirðinga
- Mörg ungmenni fara annað í nám. HeimaHöfn býður snertiflöt við samfélagið í Hornafirði, miðlun tækifæra og tengslanet heim meðan á námi stendur. Þessi þjónusta er bæði fyrir nýja íbúa og þá sem vilja snúa aftur heim.
- Við viljum kynnast unga fólki sveitarfélagsins og þeirra sýn
Aðild að HeimaHöfn er ókeypis og öllum er frjálst að vera með. Þátttakendur geta valið ólíkar áherslur eftir áhugasviði hverju sinni:
- Persónuleg ráðgjöf
- Atvinnuleit, bæði sumarstörf og heilsárs.
- Rannsóknartækifæri
- Stoðkerfi menntunar, námsaðstaða og prófþjónusta
Ýmis þjónusta er í boði fyrir þátttakendur verkefnisins eftir áherslum og þörfum hverju sinni. Meðal annars má nefna:
- Þátttaka í tengslaneti HeimaHafnar og Nýheima þekkingarseturs við fyrirtæki, skóla og stofanir.
- Leiðsögn og upplýsingar um stoðkerfi menntunar á framhalds- og háskólastigi
- Aðstoð við tengslamyndun við fyrirtæki og stofnanir í sveitarfélaginu vegna framkvæmdar rannsókna- eða nýsköpunar verkefna
- Leiðbeiningar við gerð umsókna í styrktarsjóði
- Aðstoð við atvinnuleit og upplýsingar um laus störf innan sveitarfélagsins.
Fyrirtæki, einyrkjar og stofnanir
Kjarni HeimaHafnar er félagsleg sjálfbærni samfélagsins í Hornafirði, valdefling og virk þátttaka ungmenna í að móta samfélagið. Það er hagur atvinnulífs og íbúa að hér verði áfram blómlegt samfélag. Valdefld ungmenni eru eftirsóknarverðir starfskraftar sem auðga og efla atvinnulíf svæðisins. Með þátttöku í HeimaHöfn gefst stofnunum, fyrirtækjum og einstaklingum tækifæri til að styðja við þróun nærsamfélagsins með virkum og beinum hætti. Í gegnum verkefnið getur atvinnulífið styrkt stöðu sína með auknum tengslum og laðað að hæfileikaríka einstaklinga.
Þátttaka fyrirtækja, einyrkja og stofnana í verkefninu hefur margvíslegan ávinning, til dæmis:
- Þátttöku í tengslaneti HeimaHafnar og Nýheima þekkingarseturs við skóla, stofnanir, fyrirtæki og einstaklinga.
- Tengsl við nemendur í leit að samstarfi vegna námssamninga eða háskólaverkefna.
- Tengsl við einstaklinga í leit að atvinnutækifærum.
- Tækifæri til að kynna störf og starfsemi fyrir ungu fólki.
- Samfélagslegan sýnileika á heimasíðu og öðrum miðlum verkefnisins.
Samstarfsaðilar
