Velkomin í Nýheima

Frá árinu 2017 hefur Nýheimar þekkingarsetur haft umsjón með fjarprófum í samstarfi við háskóla landsins. Setrið býður alla háskólanema, bæði í stað- og fjarnámi, hjartanlega velkomna í Nýheima, hvort sem er til lengri eða skemmri dvalar.

Hvetjandi námsumhverfi

Setrið leggur áherslu á að skapa hvetjandi námsumhverfi þar sem nemendur geta verið hluti af fræðasamfélagi og stundað nám á eigin forsendum í heimabyggð.

Aðgangur og aðstaða

Háskólanemar sem nýta þjónustu og aðstöðu í Nýheimum fá aðgang að lesrými, læstum skápum, eldhúsi, kaffistofu, mötuneyti FAS, interneti og fundaraðstöðu í samráði við verkefnastjóra. Nemendur gera námsaðstöðusamning við setrið enaðstaðan er þeim að kostnaðarlausu á opnunartíma Nýheima. Þau sem vilja nýta húsnæðið utan opnunartíma geta fengið lykil að aðstöðunni gegn 5.000 kr. tryggingu sem endurgreiðist við samningslok.

Samstarf við Menningarmiðstöð Hornafjarðar

Á bókasafni Menningarmiðstöðvar Hornafjarðar býðst nemendum fjölbreytt þjónusta. Þar gefst öllum kostur á að eignast bókasafnskort og fá almenna bókasafnsaðstoð, m.a. vegna heimildaleitar, millisafnalána, ljósritunar og útprentunar.

Fjölbreytt nemendahópur

Nemendur sem hafa nýtt sér aðstöðu og þjónustu setursins koma frá flestum háskólum landsins auk erlendra skóla. Allir háskólanemar eru velkomnir í Nýheima og hvattir til að nýta sér aðstöðuna.

Opnunartími

Yfir veturinn er húsnæði Nýheima opið mánudaga til fimmtudaga kl. 07:30-17:00, föstudaga kl. 07:30-16:00 og á laugardögum kl. 11:00-15:00.